I kontrollen skal godkjenningsstyresmakta vurdere om institusjonen:

a) blir driven i samsvar med barnevernlova og forskrifter som er gitt med heimel i lova, under dette forskrift om krav til kvalitet og internkontroll i barneverninstitusjonar,

b) tilfredsstiller vilkår stilt i eller med heimel i anna lovgiving og

c) elles blir drive på forsvarleg måte, jf. vilkåra for godkjenning i godkjenningsforskrifta § 5.

Sentrale forskrifter i denne samanhengen er kvalitet og internkontrollforskrifta, godkjenningsforskrifta og rettsforskrifta. Når det gjeld vurderinga av om kvar enkelt institusjon har økonomisk forsvarleg drift, blir det vist til eigne retningslinjer og sjekklister utarbeidde av Barne-, ungdoms- og familiedirektoratet. Godkjenningsstyresmakta bør vere merksame på eventuelle endringar i forhold til følgjande tema:

• endring av målgruppe
• endring av målsetting
• endring av faglege metodar
• endring i talet på plassar
• endringar av arbeidstidsordningar (turnus)
• byte av leiing
• ikkje ubetydelege utskiftingar av personale (under dette vakansar, langvarige sjukmeldingar og liknande).

Barne-, ungdoms- og familiedirektoratet kan i det årlege disponeringsbrevet eller på annan måte gi føringar om særlege fokusområde for kvart enkelt års kontroll. I tillegg kan kvar enkelt region gi slike føringar for sin regions vedkommande.