Solid 3 opplæring for fosterforeldre - Førde

Kven er opplæringa for?

Solid trinn 3 er for deg som er fosterheim og som har gjort deg nokre erfaringar i omsorgsoppdraget. For å delta på trinn 3, må du ha gjennomført grunnopplæringa Solid trinn 1.

Kva lærer du?

I trinn 3 fokuserer opplæringa på oppøving av ferdigheiter til å ivareta både barnet og deg sjølv som omsorgsutøvar.

Opplæringa skal legge til rette for at du får utnytta kunnskapen og erfaringane du har tileigna deg i oppdraget så langt, med føremål om å vidareutvikle forståinga, og gje nye ferdigheiter til å ivareta barnet.

Om gjennomføringa

Trinn 3 består av to gruppesamlingar og vert avslutta med ei familiesamling. Opplæringa inneheld også e-læringsmodular. Til familiesamlinga vert alle barna i familien invitert, inkludert barnet/barna som har flytta inn. E-læringsmodulane får du tilgang til i same læringsplattform som e-læringsmodulane frå grunnopplæringa.

Kursdagar

• laurdag 30. mai kl. 10:00-17:00

• søndag 31. mai kl. 09:00-15:00

• laurdag 13. juni kl. 11:00-15:00

Ønskjer du å melde deg på? 

Send e-post til ft.vest.sogn-fjordane@bufetat.no med namn på deltakarar og telefonnummer. Skriv i emnefeltet "Solid 3 30. mai". De vil bli kontakta av ein rådgjevar i etterkant av påmeldinga for stadfesting av plass.

Dersom ikkje anna er avklara med fosterheimstenesta, er det ein føresetnad at begge er med på opplæringa og at ein er med på alle samlingane.

Prosessleiarar

Ingeborg Elvagjeng og Gry Ingjerd Øksendal, rådgjevarar i fosterheimstenesta.