Tilskot til barnevernfagleg vidareutdanning

Det er fleire endringar i ordninga i 2026, som skal gjere det enklare for søkarane.

• Tilskot til master: De kan søke om tilskot til masterutdanningar og vidareutdanningar som er relevante for tilsette og leiarar i kommunalt, privat eller statleg barnevern. Tilskotet er ikkje lenger knytt til nokre få prioriterte vidareutdanningar
• Éin søknad per arbeidsgivar: de skal berre sende inn éin felles søknad for alle medarbeidarane.
• Anonym søknad: de skal ikkje oppgje namn på medarbeidarar, berre budsjetttal og kva utdanning(ar) dei søkjer for.
• Éi utbetaling: tilskotet blir utbetalt éin gong, også for utdanningar som går over fleire år.
• Ny utmåling: inntil 110 000 kroner per 30 studiepoeng. Til dømes vil då 60 studiepoeng utløyse eit tilskot på inntil 220 000 kroner.
• Rapportering: Det er også endringar i korleis de skal rapportere, som er nærare forklart under "Rapportering".

Søknader kan ikkje flyttast til ny arbeidsgivar dersom medarbeidaren byter jobb. De kan søkje om å få dekka utgifter til reise og opphald ved dokumentert behov eller der det er store avstander til den relevante utdanninga.

Arbeidsgivarar i kommunalt barnevern, private barnevernsinstitusjonar og statlege barnevernsinstitusjonar. Med private siktar ein også til ideelle.

De kan søkje om tilskot til masterutdanningar og vidareutdanningar som er relevante for tilsette og leiarar i kommunalt, privat eller statleg barnevern. Tilskotet skal brukast til å frigi tid til kompetanseheving.

For 2026 blir det gitt tilskot til

• Alle studiepoeng som blir produserte frå og med hausten 2026.
  Dette kan gjelda både studium som alléreia er starta opp, og studium som har oppstart i haustsemesteret 2026.
• Alle studiepoeng som blir produserte frå og med våren 2027. Dette gjeld studium som startar i vårsemesteret 2027.Med private siktar ein også til ideelle.

Obs! De må søkja om tilskot, sjølv om de ikkje veit enno om de har fått opptakk på studiet

Det kan i tillegg innvilgast tilskot til reise- og opphaldskostnader dersom

• nærmaste relevante utdanning ligg langt unna, eller
• de kan dokumentere særskilt behov for den konkrete utdanninga i tenesta

Søknader kan ikkje flyttast til ny arbeidsgivar dersom medarbeidaren byter jobb.

Arbeidsgivar skal fylle ut og sende inn skjema i Bufdirs søknadsportal.

De må

• søkje opptak til utdanning hos utdanningsinstitusjonen
• sende éin felles søknad om tilskot til Bufdir. I søknaden må de oppgje talet på medarbeidarar og kva utdanningar dei søkjer.

Bufdir startar behandlinga startar etter søknadsfristen, og tilskotsbrev blir sendt frå midten av august. Avslagsbrev blir sendt i slutten av september.

Tilskot blir utbetalt innan tre veker etter vedtaket. Tilskotet blir utbetalt éin gong, også for utdanningar som går over fleire år.

Klagemuliget

Det vil følgje med informasjon om moglegheita til å klage i brevet om tilskot eller avslag. Klagefristen er normalt tre veker. Det er ikkje klagerett på tilskot til vidareutdanning for tilsette i statlege barnevernsinstitusjonar.

De må sende inn rapport og rekneskap til Bufdir som viser korleis du har brukt tilskotet. Fristen for innsending står i tilskotsbrevet.

Det vil ikkje lenger vere nødvendig med revisorattest. Dette gjeld for alle mottakarar av ordninga, men Bufdir kan be om ekstra opplysningar ved behov.

Rapporten og rekneskapen må kunne godkjennast av Bufdir i samsvar med denne forskrifta og vilkåra i tilskotsbrevet og rapporteringsskjemaet.

OBS! Leverer du ikkje i tide, eller dokumenta manglar noko, kan Bufdir gi deg ein ny frist. Du får beskjed skriftleg. Dersom du ikkje rettar innan fristen, kan heile eller delar av tilskotet bli kravd tilbake.

Tidlegare regelverk

• Regelverk frå og med 2023
• Regelverk for 2022
• Regelverk for 2021

Rapportering går føre seg i Bufdirs søknadsportal. De får e-post når skjemaet er klart.