Gå til hovedinnholdGå til hovedmeny

Løftar fram barns rettar i oppdatert krisesenterrettleiar

To barn sitter inne i en gang i mørket
Bufdir har publisert ein revidert versjon av den faglege rettleiaren for innhaldet i krisesentertilbodet.

Publisert

Rettleiaren gir no meir utfyllande råd om barnets beste, og at barna sjølv må få høve til å uttrykkje seg i saker som gjeld dei.

Sjå heile rettleiaren

Oversikt over plikter og eit nyttig verktøy

Oversikt over ansvaret til kommunane har fått ei meir framståande plassering, og er no del 1 i rettleiaren. Dette skal gjere det tydelegare kva som er pliktene for kommunen på eit overordna nivå.

Del 2 av rettleiaren tek for seg innhaldet i krisesentertilbodet og oppfølging av brukarane. Her går rettleiaren gjennom ulike delar av eit krisesentertilbod, i tillegg til dagtilbod, oppfølging av barn på krisesenter og oppfølging av bebuarar i ettertid.
Rettleiaren inneheld også aktuelle verktøy som skjema, malar og brosjyrar, som er samla i eit eige kapittel.

Målet er at rettleiaren både skal fungere som ei oversikt for kommunane over pålagde plikter, og ei rettleiing til tilsette i dei faglege vurderingane.

Bakgrunn og innspel

Den nye krisesenterlova tredde i kraft 1. januar 2026. Nokre av endringane i rettleiaren er eit resultat av at lova har vorte gjort tydeleg på enkelte område. I tillegg følgjer rettleiaren opp tre oppmodingsvedtak frå Stortinget (oppmodningsvedtak 1018, 1021, 102, sjå meir på stortinget.no)

I arbeidet med revisjonen av rettleiaren har Bufdir fått innspel frå ulike grupper, mellom anna Redd Barna og Dyrebeskyttelsen Norge, og det har også vorte gjennomført workshop med enkelte krisesenter. Fleire avdelingar i Bufdir har også vore involverte i arbeidet med krisesenterrettleiaren.

Enkelte tema er også utvida og styrkt på initiativ frå Bufdir, som ei tydeleggjering av behovet til skeive og rettar på krisesenter.