Kunnskap om institusjonstilbodet gir tryggleik for barn og unge

Barnevernsinstitusjonar skal gi omsorg og utviklingsstøtte til barn og unge som av ulike grunnar ikkje kan bu heime i ein kortare eller lengre periode av livet sitt. Dei fleste av dem er i tenåra.

– Når avgjerda om at ein ungdom skal flytte på barnevernsinstitusjon er teken, er det vår oppgåve i førstelinje og andrelinje barnevern å sørgje for at overgangen blir så god som mogleg. Det inneber mellom anna å kunne gi utfyllande informasjon til barn og foreldre om korleis det er å bu på institusjon, seier Hege Nilssen, direktør i Bufdir.

Bufdir og Bufetat har utarbeidd informasjonsmateriell for å gi barna, ungdomane og dei vaksne rundt dei ei realistisk og trygg innføring i kva det vil seie å bu på institusjon.

Historier frå nokre av dei som har fått hjelp på institusjon

#Instukids fortel: slik er det å bu på institusjon

Om å bu på institusjon

Finn barnevernsinstitusjon

Jobbar du med ungdom som skal på institusjon?

– På nettsidene våre har vi samla informasjon som kan støtte tilsette i vanskelege, men viktige samtalar. Her får ungdom svar på mange av spørsmåla dei sit med – om kvardagen, rettane sine, korleis det ser ut på institusjon, og dei kan lese historier frå unge som sjølve har budd på institusjon. Det kan gi meir framsyn i ein sårbar situasjon, seier Nilssen.

I ein serie artiklar og korte filmar fortel ungdom med eigne ord korleis det var for dei å bu og få hjelp på institusjon.

Tilgjengeleg kunnskap gir betre førebuingar

God informasjon om institusjonstilbodet er viktig for å sikre framsyn og tryggleik for barn og unge som skal flytte og bu på institusjon. Artiklane og filmane er utvikla for å støtte fagpersonar i arbeidet med å førebu barn og føresette på kva eit institusjonsopphald inneber.

– Ressursane kan òg vere nyttige for tilsette i barnevernet som vil bli betre kjende med institusjonstilbodet, avsluttar Hege Nilssen.