Grunnopplæring for fosterheimar - Førde

Grunnopplæringa er gratis og inkluderer enkel lunsj og kaffi/te. Opplæringa har som mål å gje deg kunnskap og forståing for kva det inneber å ha oppdrag som fosterheim.

Opplæringsprogrammet passar for:

• de som vurderer å bli fosterheim

• de som skal bil fosterheim for eit barn i familie eller nære nettverk

• de som alt har tatt imot eit barn som skal bu hjå dykk, men som ikkje har gått på grunnopplæring for fosterforeldre.

Gjennomført grunnopplæring er ein forutsetnad for å bli godkjend som fosterheim.

Kursdagar

Møte på Teams

• onsdag 29. oktober kl. 13.00-15.00

Fysiske samlingar

• fredag 31. oktober kl. 17.00-20.00

• laurdag 1. november kl. 10.00-18.00

• søndag 2. november kl. 9.00-16.00

Praktiske forhold

Ved reiseveg over 60 km (1 time) kvar veg tilbyr vi overnatting på hotell frå fredag 31. oktober til søndag 9. februar.

Om opplæringa

Opplæringa er tredelt

• e-læring som du gjennomfører heime

• første samling føregår digitalt (teams)

• 3 fysiske samlingar

For de som vurderer å bli fosterheim vil opplæringa også innehalde ein vurderingsdel med heimebesøk og samtalar.

Opplæringa handlar om

• kva er ein fosterheim.

• kvifor må nokre born bu i fosterheim.

• kvifor er det viktig for born å halde kontakta med eigen familie.

• korleis alvorleg omsorgssvikt kan påverke born si utvikling.

• korleis eigen familie blir påverka og endrast når born flyttar inn.

For de som er i barnet sin familie eller nære nettverk

• kva fordelar det er for born å flytte inn til nokon dei kjenner – og er trygg på.

• kva kan vere utfordrande ved å bli fosterheim til nokon ein er i familie med, eller kjenner godt.

Påmelding

De som vurderer å bli fosterheim kan ikkje sjølv melde dykk på opplæringa. Det er fosterheimstenesta som inviterer deg til å delta på kurset etter samtalar med deg.

Ein forutsetnad for å delta på opplæringsprogrammet er at du tilfredstiller dei generelle grunnkrava for å bli godkjend som fosterforelder. For å avklare dette, må du levere inn eit egenpresentasjonsskjema som blir brukt i vårt arbeid med å vurdere deg som fosterforelder.

Påmelding for fosterheim som er i barnet sin familie eller nære nettverk

Send e-post til ft.vest.sogn-fjordane@bufetat.no med fullt namn på deltakarar og telefonnummer. Skriv i emnefeltet "Grunnopplæring for fosterheimar 29. oktober" De vil bli kontakta av ein rådgjevar i etterkant av påmeldinga for stadfesting av plass.

Prosessleiarar

Ingeborg Elvagjeng og Gry Ingjerd Øksendal, rådgjevarar fosterheimstenesta i Førde